Ministria e Kulturës: Dy filma të shkurtër nga Kosova me premierë botërore në Festivalin e Roterdamit

13:02 | 25 Janar 2024
E.G

Ministria e Kulturës ka njoftuar se dy filma të shkurtër nga Kosova do ta kenë premierën botërore në Fesivalin e Roterdamit.

Sipas njoftimit, këta dy filma janë subvencionuar nga Qendra Kinematografike e Kosovës, shkruan Arbresh.info.

“ilmat “Si e Verdhë e Sëmurë” nga Norika Sefa dhe “Krahët e Punëtorëve” nga Ilir Hasanaj, janë pjesë e programit “Tiger Short” ku sivjet garojnë gjithsej 21 filma.”, thuhet në njoftim.

Tutje, ministria e ka vlerësuar si lajm pozitiv pjesëmarrjen e filamve për kinematografinë e Kosovës.

“Pjesëmarrja e filmave tanë në këtë festival është lajm shumë pozitiv për kinematografinë e Kosovës dhe dëshmon për potencialin krijues të vendit tonë e poashtu edhe angazhimin serioz të Qendrës Kinematografike të Kosovës në mbështetjen e kineastëve dhe përkushtimin për t’u dhënë hapësirë tregimeve novatore dhe eksperimentale.”, thuhet ndër të tjera në njoftim./Arbresh.info/